25 de Novembro día Internacional para a Eliminación da violencia contra as Mulleres 2015

Deixo o enlace a unh serie de actividades en pdf, descargables, que a web Educando en Igualdad ofrece no contexto da campaña NON á Violencia.

Educar en igualdade para previr a violenca de xénero.

Bótalle cabeza ás redes sociais

Este vídeo sobre os perigos que as adolescentes poden encontar nas redes sociais, forman parte do proxecto Échale cabeza, no que o Servizo da Muller do Concello de Sevilla elaborou unha serie de vídeos que tratan temas claves da violencia de xénero co obxectivo de previr e sensibilizar ante esta terrible problemática, debida á reproducción de modelos de relación baseados na desigualdade.

Mulleres pintoras

Mujeres Pintoras é un magnífico traballo, un blog que trata de completar  a historia oficial das artes reclamando para as mulleres artistas o lugar que lles corresponde.
Conten un listado de pintoras con enlaces a súa vida e obra, en orde cronolóxica e por países. Interesantísimo o enlace a sitios web sobre o arte e a muller

25 de novembro: Día inernacional contra á violencia hacia ás mulleres

 

Mais no medio da choiva non debemos esquecer que os dioivos se forman na terra. Son auga que se evapora e logo cae, por iso se queremos cambiar algo debemos de ir ás raíces. De aí que as medidas máis importantes son aquelas que implican poñer en dúbida os valores existentes, deixar espazo para que as mulleres falemos, recoñecer os nosos dereitos, saberes e coñecementos e rematar cos espazos onde constantemente se nos cousifica, se nos educa para ser princesas e se nos define exclusivamente en relación a algún varón.

(Extracto do manifesto da Asociación de Escritoras e Escritores en Lingua Galega
elaborado pola escritora María Reimóndez e titulado «O dioivo que non cesa», por mor da celebración, o vindeiro 25 de novembro, do día no que se reclama a fin da violencia de xénero.)

Para ler o manifesto completo pemer aquí .

Fábrica da Memoria

Nace o proxecto “Fábrica de la memoria para la recuperación de la historia de las mujeres”
Máis información: http://fabricadelamemoria.com/ 

O proxecto dixital Fábrica da memoria para a recuperación da historia das mulleres pretende cubrir os siguientes objectivos:
1) Recuperar e fixar os triunfos e as loitas privadas e colectivas das mulleres, ás que lles foron negadas as liberdades, en todas as súas formas: políticas e históricas, sociais e individuais.
2) Espallar o coñecemento en torno á Historia das mulleres e as súass conquistas cara á igualdade e a democracia e llevalo a un ámbito xeral, accesible a todos os sectores da poboación.
3) Facer visible o traballo e as contribución das mulleres en todos os ámbitos: sociais, artísticos, científicos, literarios, de pensamento, etc.
4) Creación dun arquivo documental relativo á memoria das mulleres, especialmente nos soportes que resalten a súa imaxe e a súa palabra: fotografías, carteis, audiovisuais, textos, etc.

8 de marzo Día da Muller

8 de marzo
DÍA INTERNACIONAL DAS MULLERES

A participación das mulleres na historia da humanidade, na construción das habilidades e saberes humanos foi achantada ou ignorada durante séculos. Con moitísimo traballo e esforzo tivemos que loitar contra os muros da exclusión, da inferioridade, da falta de recoñecemento social e político, individual e colectivo. Unha loita incesante que non nos dá un momento de acougo, xa que no intre en que se recoñecen algunhas das nosas demandas vemos como, cunha rapidez asombrosa, érguense de novo os vellos muros pero con outros nomes: crise, recortes, paro, peche de servizos sociais, economía submerxida, violencia de xénero... e moitos máis que enredan e obstaculizan o que parecía que xa era noso e que toda a sociedade tiña asumido: que as mulleres somos seres humanos libres e con dereitos.

Nesta complexa engrenaxe as mulleres xa notabamos e alertabamos das poucas bondades dun “estado do benestar” capitalista, patriarcal, heterosexual e belicista que perpetuaba as desigualdades norte-sur, ricos-pobres, homes-mulleres. Pero estas desigualdades eran “asumidas” como un mal menor, en grande parte polas vantaxes de estar situadas nesta parte do planeta e nesta época de “bonanza económica.

Hai décadas que as mulleres da marcha mundial encabezamos a loita en contra a mercantilización e a privatización dos bens comúns, a defensa da terra e da soberanía alimentaria; hai anos que acompañamos ou formamos parte das mulleres que se negan a que lles roube o seu territorio para ser ocupado por plantacións de transxénicos ou bases militares; as que loitamos dentro dos movementos sociais para que se nos recoñeza en igualdade. Todas estas loitas xa nos alertaban da podremia do sistema, de que ese “estado do benestar” estaba asentado sobre a lama.

Agora constatamos con indignación o agravamento das condicións de vida das mulleres do noso continente. A Europa do capital está a saquear as nosas vidas e os nosos dereitos. Os recortes e as privatizacións dos servizos públicos dificultan a autonomía das mulleres. Os recortes dos gastos sociais supoñen case sempre un incremento do traballo doméstico e de coidados non remunerados (en xeral a cargo das mulleres). O pensamento neoconservador busca impor valores que dificulten o camiño emancipador das mulleres.

Por todo isto, neste 8 de marzo de 2013, as mulleres feministas, que formulamos a necesidade da corresponsabilidade no coidado das persoas e nas tarefas domésticas; as que esiximos un novo modelo social sen división do traballo en función do sexo; as que propoñemos un novo modelo social no que as persoas sexan o cerne das políticas públicas, COMPROMETÉMONOS a seguir loitando para derrubar os muros que protexen aos banqueiros e ao corruptos; aos especuladores e aos que botan a outras persoas dos seus fogares, aos que fan uso da violencia e criminalizan aos movementos sociais.

Sabemos o que queremos e temos o reto de atopar o xeito de logralo, pero SABEMOS QUE O IMOS LOGAR, VAIA SE O IMOS LOGRAR, que llo digan a todas as nosas antepasadas e contemporáneas que sacrificaron as súas vidas para acadar os dereitos que nos queren arrincar, que llo digan as nosas avoas, ás nosas nais, ás nosas irmáns do Congo, Malí, Colombia, México; ás mariscadoras do Val Miñor, ás redeiras do Morrazo e A Guarda, as que traballan na conserva e no téxtil, ás labregas de toda Galiza, as costureiras, enfermeiras, obreiras, avogadas, xornalistas, artistas, mestras, alumnas.... que nos digan se imos permitir que nos metan outra vez na casa, que nos rouben os dereitos conseguidos, que nos obriguen a calar e a non ter nada que dicir sobre as nosas liberdades sexuais e reprodutivas. Que non pensen que imos ficar mudas e quietas deixando que nos agridan.

Nós, mulleres, queremos controlar as nosas vidas e construír unha sociedade máis xusta que termine co sistema capitalista e patriarcal, que nos permita vivir a nós e a todas e todos unha vida digna.

A DÉBEDA DOS GOBERNOS É COAS MULLERES,

NON COA BANCA

MARCHAMOS POR UNHA VIDA DIGNA E SOSTIBLE

Ata que todas sexamos libres!!!

 Manifesto da Marcha Mundial das Mulleres de Galicia

Máis sobre o 8 de marzo neste blog

Nena...

As series da nosa infancia e os mandatos de xénero

 Os medios de comunicación son axentes produtores de identidade, identidade que se forma en diálogo cun contexto do cal a TV ocupa a primacía social, construíndo modelos de subxectividade.
Recomendo este artigo da web UNITEDEXPLANATIÓNS coma un exercicio de reflexión sobor os modelos que recibidos na infancia e o que estos supuxeron  para actuar como se espera socialmente que se actúe, condicionados polo sexo ao que se pretenza.

Atlas Mundial da igualdade de xénero na educación

A educación igualitaria é unha chave fundamental para o desenvolvemento.
O presente atlas non é só un mapa do mundo, senón tamén un convite a pasar á acción de promover a igualdade de xénero na educación coma dereito humano e factor multiplicador do desenvolvemento.

Descargao: ATLAS MUNDIAL da igualdade de xénero na educación.

25 de novembro: Basta!!!

Alguns enlaces para traballar encol do Día Mundial contra a Violencia de Xénero

Revista Rapazas nº 1: A Violencia de Xénero Lugo 2011, pdf.

Aprendiendo a querer, Documental de Informe Semanal que cuestiona as relacións producto dos roles da masculinidade agresiva e a femeneidade sumisa.

Película: No estás sola, Sara

Estatísticas das vítimas de violencia de xenéro dende o 199 ata 2012 na páxina de Separadas e Divorciadas.

Construción das identidades de xénero na escola

Conferencia  de Amparo Tomé, realizada no marco das II Xornadas de Coeducación. Organizadas por FETE-UGT e celebradas en Barcelona. Abril 2012.

Alumnado de 6º de A Garda, contra a violencia machista

O alumnado de 6º do CEIP Manuel Rodríguez Sinde adicou parte dos recreos a gravar este tenro videoclip de repulsa aos malos tratos coa canción "Se acabaron las lágrimas" de Huecco.

A Lúa en ti, documental completo

La luna en ti from Turkestana on Vimeo.

Hai un tempo comentei este film documental:

A Lúa en tí

Hoxe encontrei a película completa.

É hora de mudar o guión

Organizado pola Concellería de Igualdade do Concello de Caldas de Reis, coa colaboración da Xunta de Galicia e producido por Lilith acción social e educativa s.l. coa participación do alumnado de: CPI Alfonso VII, IES Aquis Celenis e Colexio San Fermín.

Querida muller

 Un grupo de homes conscientes de todo o mundo ofrecen disculpas ás mulleres polos miles de anos de desequilibrio entre a enerxía masculina e feminina, así como a visión dunha nova era da co-creación.

8 de marzo: Tempos de muller

Esta canción para tod@s as miñas compañeiras no seu día.

Cada neno, cada nena

Datas e datos

Trátase dun Manual para secundaria e Bacharelato, feito con perspectiva de xénero, sobre as distintas conmemoracións escolares oficiais que se celebran ao longo do curso escolar: Día da Paz, Día das Mulleres, Día do Libro, Día do Medio Ambiente, Día dos Dereitos Humanos, Día das Letras Galegas...
Este manual foi editado polo Concello de Vigo e lleva por nome: DATAS E DATOS PARA LEMBRAR EN PÉ DE  IGUALDADE... e non esquecer o resto do ano, recolle as doce datas conmemorativas. Ademas do libro impreso, hai un sitio web http://www.igualdadevigo.org/datasedatos/  no que están subidos on line todos lo contidos. Este sitio web dispón de múltiples e variados recursos multimedia: videos, contos, documentos, música, etc.

Invisibles

As mulleres conforman o 52 por cento da población mundial e soportan o 40 por cento do Produto Interior Bruto. O vídeo "Invisibles", que foi realizado por "La Antena" Sociedade Cooperativa Valenciana, para a comisión de xénero de ATTAC, pón de manifesto como o sistema neoliberal imperante consolida e apuntala a estructura patriarcal e un modelo de poder, no que as mulleres non teñen cabida, a pesares destas cifras. A actual coxuntura de crise económica está amosando que o capitalismo non funciona. Esta crise é unha oportunidade única para cambiar o sistema con todas as aportacións que as mulleres poden ofrecer tras séculos e séculos de invisibilidade. Existen alternativas moi claras por parte das mulleres para empezar a pensar que Outro mundo é posible.

Cursos gratis en Igualdade

Comeza hoxe a convocatoria de cursos "on-line", gratuitos, en materia de Igualdade de Oportunidades entre hombres e mulleres organizados polo Instituto da Muller. É a 4ª edición que oferta 18500 prazas. Aberta a inscrición neste link:
Escola Virtual de Igualdade.